“Për 1 vit çmimi i miellit është rritur për 40%”

40

VMRO-DPMNE thotë se për një vit çmimi i miellit është rritur për 40% ndërsa i bukës për 110%, dhe për këtë akuzojnë pushtetin.

Nga opozita maqedonase i bëjnë thirrje Qeverisë që nëse vërtet ka rezerva të grurit, menjëherë të reagojnë në treg që të ulet çmimi i miellit dhe bukës.

Cvetan Tripunovski nga VMRO- DPMNE thotë se nëse Qeveria nuk intervenon në treg atëherë ka dyshime që shteti, në prag të krizës, ka mbetur pa rezerva të grurit dhe për këtë dikush duhet të mbajë përgjegjësi.

“Dyshim shtesë është njoftimi në rrjetet sociale i Lupço Nikollovskit i cili thotë se ka bërë marrëveshje për import të grurit nga Bullgaria, pas çka menjëherë pasoi reagim nga Oda e mullisëve dhe tregtarëve të cilët deklaruan se kompanitë tona nuk kanë bërë marrëveshje për grurë me Bullgarinë, por me furnizues nga Serbia dhe shprehën dyshime se për kë Nikollovski ka bërë kontratën për grurë “, tha Cvetan Tripunovski, VMRO-DPMNE.