Reperi i njohur kosovar Asdren Gjikolli, ose siç njihet ndryshe si Gjiko, së fundmi është përfolur në media si i akuzuar për dhunimin e një të miture.
Gjiko, është akuzuar se ka dhunuar një të mitur në korrik të vitit 2015.
Ai ka pranuar një denoncim ku thuhet se reperi ka mashtruar dhe përdhunuar një 15 vjeçare.
Sipas aktakuzës reperi i ka premtuar të miturës se do ta bëj këngëtare dhe do ta angazhonte në videoklipe, gjithashtu se reperi e ka marrë të miturën në shtëpinë e tij, ku edhe i ka dhënë substanca narkotike.
Më pas ai ka abuzuar seksualisht mbi të miturën.
E pas gjithë këtyre akuzave, Gjiko ka vendosur të reagojë për herë të parë.
Me anë të një postimi në “Instastory”, ai është shprehur se nuk i ka premtuar askujt karrierë dhe s’ka përdhunuar një të mitur, e aq më pak ta ketë droguar.
“Gjatë këtyre ditëve, unë dhe familja ime jemi duke u përballur me një të pa-vërtetë të sajuar. Unë nuk kam dhunuar askënd, e lëre me një 15-vjeçare.Nuk kam mashtruar dhe nuk kam premtuar karrierë, e as nuk i kam dhënë një të miture substanca narkotike. Familja ime është në rregull sepse e dinë që kjo gjë është e sajuar. Unë kam përgatitur dy paditë e para dhe besoj se drejtësia do të nxjerrë në pah pastërtinë time”, ka shkruar Gjiko.
Reperi gjithashtu ka treguar se ka përgatitur dy paditë e para, dhe thotë se drejtësia do të vihet në pah.
Përtej kësaj ai ka treguar se familja e tij janë në rregull dhe gjithashtu ai ka falënderuar të gjithë ata që i qëndruan afër në këtë situatë.
